قصة الكلمة الاخيره للكاتبة حنين

 قصة الكلمة الاخيره للكاتبة حنين 




السلام عليكم 
اهلا بكم متابعي موقع محب التدوين من كل مكان مرحبا واهلا وسهلا بكم نورتونا وشرفتونا بزيارتكم الموقع 
نحن سعداء جدا بتواجدكم معنا هنا وموضوعنا اليوم هو 

قصة الكلمة الاخيره للكاتبة حنين 




لا تنسى دائما زيارة الموقع للاستفادة من المواضيع الجديدة 




زيارتك وتواجدك معنا مفرح لنا جدا 
سنقوم دائما بنشر ماهو مفيد لك عزيزي الزائر احبــكم



قصة اليوم قصه واقعيه تجسدت حول طير او ورده

القصه تحجي عن طير جان كلش متباهي بنفسه جان يكول الدنيا متوكف على احد وماكو احد يستاهل تزعل علي

"ع فكره الطير لونه ابيض وهوايه حلو"
ف يوم من الأيام وهوه طاير بالهوا مر من فوك مزرعه 
المزرعة جان بيهه هوايه ورد من كافه الأنواع وألوانها كلش حلوه بس اكو ورده لفتت انتباهه وحبهه من اول نظره .

الطير كام يوميه يفتر من فوك المزرعه حته بس يشوف الورده البيضه .
توالت الأيام والطير حب يصارح الورده ولأول مره نزل الطير للمزرعه او واجهه للورده ف كللها :تقبلين تدخلين بعلاقه وياي لان اني لوني ابيض مثلج واوعدج ماراح افارقج العمر كله وراح أضل وياج .
استمر بالكلام وياهه بس هيه ردت بجمله وحده وهي:"من يصير لوني احمر يالله اقبل بيك"

هوه قبل بكلامهه وطار وضل يوميه طاير فوك المزرعه وينتظر حته توافق وتكون اله.
*الورده كالت هيج للطير لان مجانت تحبه ومتريد تدخل بعلاقه ويه اي شخص*
مرت الأيام والطير كام يفتر من فوك المزرعه ومنتظر كلمه منهه بس هيه مچانت تريد تحجي ويا لان تخاف من اهلهه خاف يسمعون إنو اكو شخص ديحاول يتقرب منهه .
القصه بين الورده والطير استمرت فتره خمس شهور وماكو احد يعرف انو الطير يحبهه للورده بس شخص واحد هوه صديق الطير.

بعد فتره من تعارفهم الطير حس بتعب لان هوه مكانه بعيد عن المزرعه ويتحمل مخاطر الطريق كله بس علمود الورده وهي متنطي اهتمام مثل اهتمام الطير إلهه وكل مره يسألهه الطير تحبيني؟هي تردله لا 
هوه عباله انو هي خجوله ومتعرف شنو الحب بس هي چانت تعرف كلشي لهذا السبب متريد تكون ويا.

الطير جان دائما يفكر بالوردة شلون شكلهه وريحتها بس يحس بوجع داخله من يذكر رفضها اله ومن تكله اني محبك
ونام الطير على ذكريات الورده.

بعد ماكعد الطير شاف أنو الشمس دتطلع ف كال خل اروح للورده بس ابو كال احنه عدنه سفر لغير مكان ولازم تجي ويانه واذا راح تبقه هنا راح تأكلك الضباع والجلاب لو يصيدوك الصيادين.
بهذا الوقت ضَل يفكر الطير ويحجي ويه نفسه :هسه اذا اروح اكيد الورده راح يضل بالهه علي وتسأل،بس الطير مجان عنده وقت حته يشوفهه للورده وسافر ويه اهله.سافروا لمكان بعيد كلش يعني الطير كام ميكدر يشوفهه للورده بعد .
مر يومين على سفر الطير والورده لأول مره حست بأحساس غريب اتجاه الطير وضلت تكول خاف مات الطير او صارله شي واني مكدر اشوفه لان عروقي ثابته بالكاع واذا امشي من مكاني اكيد راح اموت.
ضلت الورده تفكر بي ويوميه تباوع للسما بلكت تشوفه للطير بس متلكا اي شي ومن وره التفكير الورده كامت تذبل ويوميه تنزل منهه ورقه.
الفتره اللي فارق الطير الورده هي شهرين وأربعة ايّام .

الطير بوقت سفره وهوه يجمع اكل لاهله يفكر بالوردة ويكول:هسه دتفكر بيه لو لا وصار لونهه احمر لو بعدهه لونهه ابيض.
وثاني يوم من التفكير بيهه نسه يجيب اكل لاهله وضلو يوم كامل مماكلين شي وقرر الطير ينسه الورده ويعيش حياته برفاهية مثل اي طير اخر بس بنفس الوقت چان عنده شعور اتجاه الورده.

الطير صدفه وهوه ديطير لاحظ اكو حقل مال ورد وشاف ورده بيضه وتذكر الورد اللي جان يحبهه ف نزل مسرع عليهه وحجه وياهه وكللهه إنو اني احب  ورده من المزرعه وجانت هم بيضه وحجالهه بعد عن الورده .ولحسن الحظ أنو الورده هاي جانت صديقتهه للورده اللي حبهه الطير وتعرف أشياء كومه عنهه بس هيه مكلتله انو اني صديقتهه او حبت تتعرف علي اكثر وضل الطير يوميه يروح ويجي على هاي الورده الجديده ويحجون عن ماضيهم وشنو مروا بي.
مضت الأيام وصاروا أصدقاء والطير حس حب اتجاه الورده الجديده بس هوه فكر بهذا وكال مريد اخسر الورده اللي حبيتهه ومريد اخسر الثقه اللي انطتنياهه .هنا قرر الطير يرجع للورده القديمه اللي جان يحبهه وكال باجر بأذن الله اسافر واروح للمزرعه اللي بيهه الورده

ثاني يوم كعد الطير ورجع للمزرعة ضَل طاير فوك المزرعة يفتر يريد يشوف الورده وچان كلش متفائل.
الورده بهذا الوقت حست إنو الطير اجه عليهه فرحت الورده حيل من شافت الطير واستعادت نشاطهه.

نزل الطير للورده وكللهه :اني اشتاقيتلج وضليت افكر بيج.
(بس الورده مكلتله انو اني هم اشتاقيتلك).الطير كللهه تقبلين تتزوجيني اذا اتقدملج ؟
هيه ردتله اي اقبل بس يجوز اهلي ميقبلون وهمه متشددين واحنه هم عدنه عادات وتقاليد تختلف عنكم او اني كتلك من يصير لوني احمر يالله اقبل بيك،الطير ضاج من كلامهه وطار.
وثاني يوم هم رجع ع الورده وحجالها نفس الكلام وكللهه اقبلي لو حته لونج ابيض 
بس الورده كلتله لا من يصير لوني احمر.
الطير هم ضاج من كلامهه وطار وضل يفكر من تكله اهلي ميقبلون ومن يصير لوني احمر يالله اقبل بيك

كام يكول ويه نفسه اني مراح اقبل بوحده غيرهه تفوت حياتي وراح أضل احبهه لآخر نفس من عمري ومراح احد يحبهه بكدي وراح أتخطى مأسي الدنيا كلهه حتى بس أضل يمهه وأتمنى اموت بين أيديهه،

ومرة ليله كامله وهوه يفكر بيهه وشلون يخليهه توافق حته يتزوجون وع غفله نام الطير وكعد بعد فتره تقريباً نص ساعه شاف الشمس طالعه .
أهنا قرر الطير يروح للوردة بس قبل ليطير شال ويا سجين.
أمه كلتله شسوي بيهه؟ 
هوه ردلها :بشغل محتاجهه

كمل يومه الطير وشغله كمله وراح للورده ف كللها:أني احبج واريدج وماكو احد راح يحبج بكدي حتى أمج مو مثلي تحبج واريدج تقبلين بيه لو حته لونج ابيض يعني أنتي متحسين بمشاعري يعني اله أني اموت كبالج يالله تصدكين إنى أني احبج؟.
وهوه ديحجي ويقنعهه هي كلتله؛أني اقبل بيك بس اهلي مراح يقبلون بيك ولا أني أكون آلك أريدك بس تفهمني.
وبهاي اللحضه هوه تقرب منهه وكللهه:أني راح أضل احبج لو حته أنتي متحبيني ومراح انساج طول عمري.

وطلع السجين وگطع جناحه وتنثر الدم مال الطير فوك الورده وصار لونهه احمر وهي مصدومه من المشهد اللي صار كدامهه والطير كللهه وهوه يجر اخر انفاسه اريد بس اسمع كلمه احبك منج وهوه چان بين ايديهه أو كللهه أني اتمنيت هاي اللحظه أنو اموت بين ايديج ..وهيه دتفكر شنو تكله الطير مات .
انصدمت حيل الورده لان هيه دتكله انو أني احبك واقبل بيك لو حته اهلي ميقبلون
بس تأخرت بكلامهه ولو مصارحته للطير چان ضل وياهه .
الورده عاشت بحاله نفسيه وكامت متعاشر بعد احد ولا تريد تحب احد لان دائماً تتذكر كلام الطير وهوه يكللهه محد راح يحبج بكدي وراح أضل احبج لو حته متحبيني ..كامت بكل مره تتذكره للطير تختنك وتريد تبجي.

طبعاً أكيد وره كل قصه عبره وهاي العبره اللي طلعت مني :

*الطير قبل ليدخل بالعلاقة ويشوف الورده چان يكول إنو الحياة متوكف على شخص و لا اكو شخص يستاهل نحزن علي.

الطيرغلطان بهذا الشي لان مو كل توقعات الشخص تصير نفسهه بالمستقبل أو أكيد راح يتغير قدره.

*اما بالنسبة للوردة فهي غلطت بحق الطير لان مقبلت بي من البدايه وعاشت ويا 
هي رفضته بس بعدين حبته للطير ..لو قبلانه بي چان ضل وياهه وعاشت احسن قصه حب

أما بالنسبة للعبرة :

لتحاول تضم مشاعرك اتجاه شخص الشخص اللي يحبك وأنت هم تحبه ويحاول بأقصى جهده حتى يسعدك ولتضل تكول مو هذا الوقت المناسب حته أكله أنو أني احبه...لان أكيد راح تخسره ومراح يضل لك وقت حته تكله.

الدنيا گصيره وحاول تعيشهه بالنمط اللي أنت تريده ولتسمع كلام شخص يحاول يبعدك عن اللي تحبه . 
                                
الكاتبه : حنين 



============

 مهم لك عزيزي الزائر الكريم شرفتنا ونحب تواجدك معنا 

 قنوات ومواقع التواصل الاجتماعي الرسمية للاستاذ احمد مهدي شلال تابعنا باي مكان تريد حيث المصداقية والحقيقة في النشر اولا باول  وهذه هي المواقع الرسمية اختر ما تريد 

القناة الرسمية على اليوتيوب أضغط هنا 

الموقع الرسمي على الانترنت أضغط هنا 

الصفحة الرسمية على موقع الانستكرام أضغط هنا 

القناة على التلكرام أضغط هنا 

صفحة الفيس بوك الرسمية أضغط هنا 

تابعنا على تويتر أضغط هنا 

كروب الاستاذ احمد على الفيس بوك الرسمي التعليمي أضغط هنا 

قناة الالعاب أضغط هنا 


============

 اذا كنت حاب تدعم الاستاذ احمد مهدي ماديا من داخل العراق وماعندك حساب باي بال او بطاقة مصرفية تكدر تدعمنا بتحويل رصيد حته لو بـ 1 الف دينار راح تسوي فضل كبير بتطوير القناة 
الارقام هي 
07711825892
07500127205
07824362700

  دعمك النا هو سر استمرارنا شكرا لكل شخص قدم الدعم  

---------------------------------
طريقة تحويل الرصيد بالاسياسيل
اتصل على *222* او اتصل على *123* المبلغ المراد تحويله * رقم الهاتف المرسل اليه الرصيد # ثم اتصال
---------------------------------

طريقة تحويل الرصيد بالعراقنا ( زين )
ارسالة رسالة الى 21112 تحتوي على الرقم المطلوب تحويل الرصيد اليه ثم فراغ المبلغ المراد تحويله ثم ارسال
---------------------------------

طريقة تحويل الرصيد بالكورك
اتصل على *215* الرقم المطلوب تحويل الرصيد اليه * المبلغ الذي ترغب بتحويله # اتصال ثم تاكيد

واذا كان عندك حساب وتريد تدعمنا هذا رابط الدعم على البايبال أضغط هنا 
 --------------------------------

======================


تحياتي لكم
ادارة محب التدوين 
وتمنياتي لكم بالموفقيه والنجاح وبلوغ اعلى المراتب
شكرا لكم لمتابعه المنشور الى النهايه
🔸▬▬▬▬▬▬▬▬▬▬▬▬▬🔸
التعريف بالموقع : 
هذا الموقع تابع لادارة محب التدوين بشكل رسمي وكل ما ينشر في الموقع يخضع للمراقبة والموقع غير مسؤول عن التعليقات على المواضيع كل شخص مسؤول عن نفسه عند كتابة التعليق بحيث لا يتحمل الموقع اي مسؤولية قانونية حيال ذلك
الاستاذ احمد مهدي
بواسطة : الاستاذ احمد مهدي
الاستاذ احمد مهدي كاتب مقالات ، احب التدوين ، واحاول بكل جهد ان اقدم لكل الطلاب ما هو مفيد لهم واتمنى لكم دوام النجاح والتوفيق محبكم الدائمي ( احمد مهدي شلال ) مقالات منوعه - اخبار تربويه ومنوعه - دروس رياضيات - العاب وترفيه



حجم الخط
+
16
-
تباعد السطور
+
2
-