جميع ضوابط النقل بين الجامعات والمعاهد داخل وخارج المحافظات للحكومي والاهلي والصباحي والمسائي

 ضوابط وتعليمات النقل بين الجامعات والمعاهد العراقيه للعام الجديد 2021-2022 بين المحافظات والصباحي والمسائي

تعليمات النقل بين الجامعات والمعاهد العراقيه للحكوميات والاهليه وللدراستين الصباحي والمسائي للسنة الدراسيه الجديده 2021-2022

التعليمات الصادره من وزارة التعليم والخاصه بالنقل بين داخل وخارج المحافظات والصباحي والمسائي لطلبة الجامعات لكل الاعوام ولعام 2021 

سيكون التوضيح بطريقة السؤال والجواب .

استمارة النقل تنفتح يوم 8/15 بشهر الثامن من كل سنه والمفروض تنغلق في بداية الشهر العاشر في 10/3 , ويعتقد انه في ظل الضروف الحاليه قد يتم تمديد التقديم على النقل الى 11/1 

 س / منو اللي يحقله ينتقل؟

ج/ الطلاب الناجحين سواء دور اول او دور ثاني (وحسب الطاقة الاستيعابية للكلية المنتقل الها )

س/ اني طالب دور ثاني شوكت ابلش باجراءات النقل

ج/ هم تبلش يوم ٨/١٥ حالك حال ابو الدور الاول حتى لو بعدك ماممتحن .

____________________________________

س/ يصير النقل يكون بين جامعات المحافظة الوحدة او الكليات المتناظرة ضمن نفس الجامعة اللي چنت بيها؟

ج/ نعم يصير بإستثناء جامعات بغداد

__________________________________

س/اني اداوم صباحي يصير انتقل للمسائي؟

ج/ نعم يصير .

________________________

س/ السنين المنتهية يصير نقل؟

ج/ لا ميصير اكعد واسكت هي سنة وحدة خلصها شلون مجان واتخرج

_______________________

س / اكو استثناء لطلبة الاستضافة سنتين او اكثر انهُ ينتقلون بالسنة المنتهية وايضاً طلاب المعاهد

ج/ يعني يصير (الامر يرجع لصلاحية الكلية بنقلكم)

_________________________________

س/اني طالب بإحدى الجامعات التابعة للوقف (الشيعي او السني) يصير نقل؟

ج/ لا ميصير لا اهلي ولا حكومي ابقى راوح بمكانك

___________________________________________

س/ اذا رسبت ميصير انقل؟

ج/ الكلية الها صلاحية تقبل بنقلك او لا

____________________________

س/ يجوز النقل من الكلية الأدنى للاعلى؟

ج/اي يصير بس كون طالع من الاوائل على قسمك ويتقدير جيد جدا .

_______________________________________

س/يصير اتواضع وانتقل من الكلية الأعلى للأدنى ؟

ج/اي يصير بس لازم ماباقي بكليتك اكثر من سنتين(سواء رسوب او نجاح)

__________________________

س/يصير نقل من الكلية الى المعاهد الحدودها ادنى؟

ج/يصير وسنتين وتتخرج

____________________________________

س/ اني اهلي يصير انتقل للحكومي؟

ج/ يصير بس كون درجات جيده جداً فما فوق بالمرحلة الاولى طالع اول ع القسم وتقديرك جيد جدا

_______________________

س/اني اهلي يصير انتقل للمسائي الحكومي؟

ج/هم يصير بس لازم ناجح من الاولى للثانية بتقدير جيد جدا

____________________________________

س/ اخر سؤال ولو تعبناكم اني حكومي يصير انتقل للأهلي ؟

ج/ يصير عادي بس كون ناجح من الاولى للثانية

__________________________________

ملاحظة جدا مهمة / 

من تريدون تنتقلون لازم تراعون الكلية المتنقلين الها تكون نفس نظام كليتكم المنقولين منها

يعني:

نظام فصلي = نظام فصلي

نظام كورسات = نظام كورسات

انتهى الموضوع احبتي

تحياتي لكم

ادارة محب التدوين 
وتمنياتي لكم بالموفقيه والنجاح وبلوغ اعلى المراتب

شكرا لكم لمتابعه المنشور الى النهايه

🔸▬▬▬▬▬▬▬▬▬▬▬▬▬🔸

التعريف بالموقع : 

هذا الموقع تابع لادارة محب التدوين بشكل رسمي وكل ما ينشر في الموقع يخضع للمراقبة والموقع غير مسؤول عن التعليقات على المواضيع كل شخص مسؤول عن نفسه عند كتابة التعليق بحيث لا يتحمل الموقع اي مسؤولية قانونية حيال ذلك

تعديل المقال