قصة عن كرم الضيف احد الشيوخ في العراق
اهلا بكم متابعي موقع محب التدوين من كل مكان نقدم لكم قصص قصيرة معبرة قصة اليوم
يقول أحد الشيوخ فد يوم اجه واحد من غير عشيره لديرتنا ... شايل بجيبه غلاف مال ابرة بنسلين اللي بالعاده يكون بيها طوز مالت الدوى بس هالمره بهذا الغلاف ماي وجان سعر اﻻبره من الصيدليه بخمس فلوس ومن المستوصف بلاش تاخذها.
طلب يلتقي بالشيخ تلكاه ابن الشيخ اهلا وسهلا طببه للمضيف وشرب كهوه واجه الشيخ رحب بيه اول يوم وبكامل الضيافه والعزوبيه ثاني يوم بالليل كعدوا يسولفون ونص العشيره كاعده فسال الشيخ الضيف ابو فلان زيارتك هاي شرفتنا بيها وانت صاحب الفضل وخاف عندك شي تامرنا بيه احنه خدام .
كال الضيف للشيخ تسلم ابو فلان بس اني عندي حاجه اريد ابيعها الك لان محد يستاهلها ويقدرها غيرك
كاله شنهي الحاجه وابيش ..
رد الضيف كال الحاجه هاي الابره واريدها بعشر دنانير وكام اطاها للشيخ ..
الشيخ باوعلها وخلاها تحت الغليجه وصاح على ابنه بويه روح لامك كلها تطلع من الصندكجه عشر دنانير وانطيها لعمك .
العشر دنانير جانت بوكتها هواي كلش فاستكثر اﻻبن الفلوس شنو ابوي تخبل حتى يشتري ابرة بنسلين بعشر دنانير بس يجوز بيها شي غالي اني ماعرفه .
المهم الضيف اخذ الفلوس واستاذن الشيخ حتى من الصبح يودعهم وشكره للضيافه وكام ينام .
الشيخ هم من راح الضيف لفراشه كام يريد يروح لغرفته وعاف الشيشه بمكانها فابنه عباله نساها شالها ضمها .
وره شهر سأل اﻻبن ابوه الشيخ كاله بويه الشيشه اللي اشتريتها بعشر دنانير من خطارنا اني ضميتها لان انت نسيتها بليلتها تحت الغليجه من كمت ... وصارلي شهر اباوع للبيها ماعرفت شنو الغالي بيها شو مبين البيها مي من النهر
كاله بويه خطارنا جان محتاج فلوس واجه جايب ماي وجهه بالشيشه ولان هو ابن اجواد ربعه ومحترم وابن خير ماراد ينزل ماي وجهه كدام ناس ماتستاهل ويطلب منهم لان الوكت ضنكه شويه ... اجاني واني يابويه موغشيم اشتري ابرة بنسلين مابيها دوه بعشر دنانير وبيها ماي
بس يابويه مادام ظن بيه ظن الخير ودك بابي طالب شي مالازم افشله . لو اعرف ابيع هدومي
العبره من هاي السالفه لا تنتظر شخص حتى يطلب المساعدة منك ... مرات اكو ناس بأمس الحاجه للمساعدات والاكل .. الخ
بس يستحون يحجون .. ولازم انته بدورك تقره الكلوب والعيون شتطلب منك الوادم اللي ذبهه الوكت
المصدر صفحة طموح العراق في الفيس بوك
 |
| قصة عن كرم الضيف احد الشيوخ في العراق |
انتهى الموضوع شكر لك / لكِ
يحتوي الموقع على قصص معبرة ومؤثرة , قصص معبرة وهادفة , قصص معبرة , وروايات شيقة , قصص معبرة عن الحياة , قصص عن مصاعب الحياة
تحياتي لكم
شكرا لكم لمتابعه المنشور الى النهايه
🔸▬▬▬▬▬▬▬▬▬▬▬▬▬🔸
التعريف بالموقع :
هذا الموقع تابع لادارة محب التدوين بشكل رسمي وكل ما ينشر في الموقع يخضع للمراقبة والموقع غير مسؤول عن التعليقات على المواضيع كل شخص مسؤول عن نفسه عند كتابة التعليق بحيث لا يتحمل الموقع اي مسؤولية قانونية حيال ذلك