قصة سالفة لليشتريها المره مايفيدها غير رجلها
اهلا بكم متابعي موقع محب التدوين من كل مكان نقدم لكم قصص قصيرة معبرة قصة اليوم
اكو واحد يكول فد يوم من الايام جنت كاعد يم صديقي وجاي نسولف و صارت الدنيا المغرب يكول شفنه مريه تكوم وطيح جايه علينه لمن وصلت واذا هي بت صاحبي الكاعد يمه
من شافها تعجب وكام على حيله كلها ها بويه خيرج وشجابج بهذا الوكت
كلتله بويه رجلي ضربني وشتمني اوهاني وكلي ابوج واهلج موخوش ناس وكذا ماكذا منهم وهي تبجي ودموعها تجري ابوها كاللها اسكتي وكافي بجي واني مااقبل عليج اذا مارجعتي هسه البيتج
ابوها صاح لأبنه.
كاله بويه عباس تعال بسرعه كاله ها بويه شتريد
كله هسه تاخذ اختك وترجعها الرجلها
وسلملي عليه كله يبسطها الصبح والظهر والليل.
صدك الولد اخذ حصانه وركب اخته وراه ورجعها بنفس الساعه.
يكول اني ظليت صافن ومامصدك
فيكول بقت فتره طويله ماجايه لهلها.
هذاك اليوم جابها رجلها واجت وبحضنها طفل من وصلت لبيت ابوها استقبلها ابوها استقبال يليق بيها وكاللها هلا ببنيتي هذا البيت بيتج ومية هلا بيج وزوجها تشكر من عمه وكاله انت سوايتك محد مسويها واني اشتريت حجايتك وخليتها بنص كلبي
وكال المرته هسه شتريد اشتريلها و انطيها.
وكعدو وتسامرو بذيج السوالف الحلوه مال كبل وكال المرته سوي عشانا سمج وطابك
شاهد سالفتنه ورباطها!!
اخواني الطيبين
هسه ياهو اليسوي سوايت هذا الزلمه ويشتري حجايته ويخليها بنص كلبه ويفهم معناها ويحترم مقصدها وبوكتنه هذا هواي ناس خيره مثلكم سوتها بس محد فهما وشتره حجايتها اول مايجي اباله خافو مني ورجعوها الي مع الاسف
احجي عن البعض يااخواني و المره مايفيدها غير رجلها مو اول ماتزعل الاهل يسمعون كلامها ويخربون بيتها وعيشتها ويدمرون حياتها وتتبع أهلها وتعوف رجلها وتالي تظل عد الرجلين وكومي ولج وتعاي ولج
احجي عن البعض يااخواني و المره مايفيدها غير رجلها مو اول ماتزعل الاهل يسمعون كلامها ويخربون بيتها وعيشتها ويدمرون حياتها وتتبع أهلها وتعوف رجلها وتالي تظل عد الرجلين وكومي ولج وتعاي ولج
المصدر صفحة طموح العراق
انتهى الموضوع شكر لك / لكِ
يحتوي الموقع على قصص معبرة ومؤثرة , قصص معبرة وهادفة , قصص معبرة , وروايات شيقة , قصص معبرة عن الحياة , قصص عن مصاعب الحياة
تحياتي لكم
شكرا لكم لمتابعه المنشور الى النهايه
🔸▬▬▬▬▬▬▬▬▬▬▬▬▬🔸
التعريف بالموقع :
هذا الموقع تابع لادارة محب التدوين بشكل رسمي وكل ما ينشر في الموقع يخضع للمراقبة والموقع غير مسؤول عن التعليقات على المواضيع كل شخص مسؤول عن نفسه عند كتابة التعليق بحيث لا يتحمل الموقع اي مسؤولية قانونية حيال ذلك