ضوابط التقديم على الامتحانات التمهيدي 2023 بالتفصيل

التربية تعلن الضوابط التقديم للامتحانات التمهيدية 2023 , ما هي سنوات الانتظار للخارجي؟ , متى يحق للطالب الامتحان الخارجي؟ , هل يحق لخريجي السادس التقديم على الخارجي؟ , كيف اقدم سادس ابتدائي خارجي؟ , تقديم الخارجي 2023/2022 , موعد التقديم الخارجي 2022-2023 , متى التقديم على الخارجي , تقديم الخارجي 2023 الكتروني , التقديم الخارجي للسادس الاعدادي 2023 , قبولات الخارجي , التقديم الخارجي للثالث متوسط 2023 , شروط تقديم الخارجي

تعليمات التقديم على الامتحانات التمهيدي الخارجي لعام 2022 - 2023 بالتفصيل

كل شي بالتفصيل عن التقديم الخارجي للامتحانات الدور التمهيدي للسنة الدراسيه 2022 / 2023 واليه القبول جميع الاسئله الخاصه بالتقديم الخارجي

تعليمات التقديم الخارجي لسنة 2022 - 2023

طلبة تقدم خارجي لازم تمتحن امتحانين :-
1- الامتحان التمهيدي
2- الامتحان الوزاري

الامتحان التمهيدي: يصير بشهر 2 ويكون الامتحان بين 2/2 - 2/5 , يعني ببداية الشهر و الامتحانات متتاليه بدون عطلة بينهن ، ومطلوب منك الكتاب كله من الجلاد للجلاد عدا الحذوفات الي نشرناها الكم .

الامتحان الوزاري: تمتحن وزاري ويه طلاب المدارس بنفس الاسئله، و الكم نفس حقوقهم دور اول و ثاني و درجة الناجح دور اول هم ينطوها الكم اذا نجحتوا دور اول (اضافة درجة على المعدل).

اهم النقاط التي تخص الخارجي حتى تكون عدكم فكره عامة :

1- الخارجي يقبل الطالب بعمر 18 سنه فما فوق حتى لو عمره 100 سنه المهم اكبر من 18 سنه، و هالكلام يخص طلبة السادس ابتدائي و الثالث متوسط والسادس اعدادي .

2- بالنسبه للنجاح من الامتحان التمهيدي كم درس انجح حتى ادخل وزاري ؟؟؟

🔹طلاب السادس الابتدائي عدكم 6 مواد :-

(عربي،انكليزي،رياضيات،علوم،اسلاميه،اجتماعيات)

✳️ يكون الدخول بالامتحان التمهيدي ب2 يعني تنجح باربع دروس وترسب بدرسين مؤهل للامتحان الوزاري.

🔹طلاب الثالث متوسط عدكم 8 مواد :-

(اسلاميه،عربي،
انكليزي،رياضيات،احياء،كيمياء،فيزياء,اجتماعيات)

✳️ يكون الدخول بالامتحان التمهيدي ب3 مواد يعني اذا تنجح بخمسة مواد وترسب بثلاثة مواد تتاهل للامتحان الوزاري.

🔹طلاب السادس الاعدادي عدكم 7 مواد:-

✳️ الدخول بالامتحان التمهيدي ب3 مواد يعني اذا تنجح باربعة مواد وترسب بثلاثة تتاهل للامتحان الوزاري.

ملحظات (1) :-
* وقرار 10 درجات ما يشمل طلاب الخارجي فقط يشمل طلبة المدارس .

* واذا يعجبكم بالامتحان التمهيدي تمتحنون فقط المواد الي تأهلكم للنجاح والدخول للوزاري عادي , و تدرسون باقي المواد وره التمهيدي وميحتاج اذا ما رحت تمتحن اجازة ولا اي اجراء .

3- طالب الخارجي شرط يترك 3 سنوات بين مرحلة واخرى (سادس ابتدائي ثالث متوسط سادس اعدادي)،يعني اذا نجحت من الثالث متوسط بالامتحان الخارجي لازم تنتظر 3 سنوات حتى تقدم على السادس.

4- طلاب الخارجي ينقبلون طب و هندسه و كلشي حالهم حال الصباحي اهم شي المواليد مقبوله.

5- الي ينجح من السادس بعمر 24 سنه فأقل ينقبل كلية صباحي حسب معدله، وبعمر 25 فما فوق ينقبل كلية مسائي او كليه اهلية.

6- اليدرس كلية او متخرج من الكليه و الموظف و يدرس معهد .. يكدرون يقدمون خارجي.

7- اليرسب بالخارجي يصير يقدم مره ومرتين و 3 و 4 ... و بسنوات متتاليه بدون ترك.

8- الي ينجح من الثالث بالخارجي يكدر يسجل بمدرسة و يكمل الاعداديه بالمدرسه اذا عمره مقبول .

9- الراسب بصف اول متوسط او رابع اعدادي يترك 3 سنوات يلا ينقبل خارجي.

10- الراسب بالثاني متوسط او الخامس اعدادي يترك سنتين يلا ينقبل خارجي.

ملاحظات (2) :-
🔶الناجح من اول متوسط او الرابع اعدادي يترك سنتين.

🔶الناجح من الثاني متوسط و الخامس اعدادي يترك سنه.

🔶الراسب سنه وحده بصف ثالث او بصف سادس يترك سنه او يرسب سنتين او يتحول مسائي يلا يحقله خارجي.

🔶الراسب سنتين او اكثر بصف سادس ينقبل خارجي ، وطلاب السادس الراسبين بالمسائي انتم تقدمون خارجي بدون ترك

🔶الراسب بصف رابع او خامس او سادس (اعدادي) و تتوفر عنده شروط القبول بالامتحان الخارجي يحقله يقدم ع نفس الفرع و يحقله يغير فرعه المهم م ناجح من السادس.

🔶الناجح من السادس إعدادي يحقله يقدم خارجي بدون ترك بشرط يغير الفرع الي نجح منه و اذا اكو خريج من الفرع العلمي عام ، يحقله يقدم ع كل الفروع بس بعض مديريات تفرض عليهم يقدمون ادبي.

كيفية التقديم للامتحانات الخارجي :-

سنوياً بشهر 11 ينفتح التقديم على الامتحان الخارجي لكن هالسنه تاخر موعد فتح التقديم وبهاي الفتره الجايه راح يتحدد موعد فتح التقديم على الامتحان الخارجي واليكم الية طريقة التقديم.

طريقة التقديم على الامتحان الخارجي:

المستمسكات المطلوبة :

🔹٤صور حديثة ذات خلفية بيضاء بقياس 3.5×4.5.

🔹هوية الاحوال ( الجنسية & بطاقة الوطنية ).

🔹طلب رسمي (فايل يحتوي على استمارة) .

🔹بطاقة السكن.

اذا كملت المستمسكات هسه انته جاهز تقدم على الامتحان الخارجي :

1- تسليم المستمسكات وطلب التقديم للامتحان الخارجي في مديرية التربية التابعة لمحافظة سكن الطالب…. في المقابل يستلم الطالب من مديرية التربية

❕ورقتان :

الورقه الاولى - طلب تسليم الوثيقة من المدرسة الى الطالب كي يقوم بتسليمها الى مديرية التربية.

الورقه الثانيه - واقع حال تسليمه الى مدير المدرسة لتوضيح اخر صف كان فيه الطالب.

ماهو واقع الحال؟ :-
هذا تاخذه لمدير اخر مدرسة دارس بيها يكتبلك بيه سنه كذا راسب وسنه كذا تارك و سنه كذا ناجح .. حتى يعرفون انت مقبول خارجي لو لا.

مامعنى طلب الوثيقه؟ :-
هذا تاخذه لاخر مرحلة منتهيه درستها ونجحت منها (يعني سادس ابتدائي لو ثالث متوسط او سادس اعدادي يا صف منهن نجحت منه اخر شي؟ تاخذ الوثيقة الهم) يسلمونك وثيقتك ، اكو مدارس يكول المدير اني اوصلهه للتربيه لان ممنوع تسليم الوثيقه للطالب هاي عادي همه يدزوها للمديرية.

2- وراها تكمل اجراءاتك بالتقديم تسلمهم واقع الحال والوثيقة و المستمسكات و ياخذون 50الف منك هاي معناها انقبلت وكلشي توب ومضبوط✅.

3- تنتظر قبل الامتحانات التمهيديه تستلم باج و من تدخل وزاري بشهر 4 تروح تبصم و قبل الامتحانات الوزاريه تستلم بطاقه امتحان.

4- قبل الامتحانات التمهيديه و الوزاريه بأسبوع تراجع مديرية التربية تشوف اسمك يا مركز امتحاني بالمدارس ؟ يعلنونها على لوحة الامتحانات بمديرية التربيه،

واحنه ننشر الاسماء المتوفرة عدنه والي يوصوروها الطلبه من يراجعون التربيه.

5- تمتحنون بمراكز امتحانية بوسط المحافظة حصرا ، و تقدمون للخارجي على حسب بطاقة السكن حصرا ، يعني ما يصير انت بطاقة السكن مالتك مكتوب بيها بغداد و تروح تمتحن بالموصل هالشي ما يصير

6- من تدخل الامتحان الوزاري و تعبر الامتحانات التمهيدية هنا صار اسمك ضمن (طلبة الثالث او السادس ) بدون تحديد لا صباحي لا مسائي لا خارجي يعني تطفر طفرة عمرك، بعد محد يدري بيك انت شنو دارس ، اسمك طالب صف سادس و بس و الك كل الحقوق الي يستحقها طلاب المدارس 100‎%‎ .

ملاحظات (3) :-
بالسنوات الفاتت جان التقديم بشكل حضوري يعني يروح الطالب ويقدم كلشي بنفسه , بالسنه الفاتت صار التقديم باغلب المحافظات الكتروني يعني عن طريق رابط ينشروه بالنت وتقدم عن طريقه , وهالسنه على الاغلب اغلب المحافظات اذا مو كلها يكون الكتروني وراح ننشر كيفيه التقديم لكل محافظه بالتفصيل من ينفتح الامتحان الخارجي .



 🌺 بالتوفيق لكل الطلبه النجاح والوصول الى اعلى المراتب 🌺

ضوابط التقديم على الخارجي للامتحانات التمهيديه


انتهى الموضوع احبتي
تحياتي لكم
ادارة محب التدوين 
وتمنياتي لكم بالموفقيه والنجاح وبلوغ اعلى المراتب
شكرا لكم لمتابعه المنشور الى النهايه
🔸▬▬▬▬▬▬▬▬▬▬▬▬▬🔸
التعريف بالموقع : 
هذا الموقع تابع لادارة محب التدوين بشكل رسمي وكل ما ينشر في الموقع يخضع للمراقبة والموقع غير مسؤول عن التعليقات على المواضيع كل شخص مسؤول عن نفسه عند كتابة التعليق بحيث لا يتحمل الموقع اي مسؤولية قانونية حيال ذلك
تعرف على كيفية التقديم والقبول في الامتحانات الخارجي للدور التمهيدي للعام 2022-2023

الاستاذ احمد مهدي
بواسطة : الاستاذ احمد مهدي
الاستاذ احمد مهدي كاتب مقالات ، احب التدوين ، واحاول بكل جهد ان اقدم لكل الطلاب ما هو مفيد لهم واتمنى لكم دوام النجاح والتوفيق محبكم الدائمي ( احمد مهدي شلال ) مقالات منوعه - اخبار تربويه ومنوعه - دروس رياضيات - العاب وترفيه



حجم الخط
+
16
-
تباعد السطور
+
2
-