اسباب فشل ورسوب طلبة السادس العلمي والادبي يجب ان تبتعد عنها

 

نصائح مهمه حتى ماتفشل في السادس الاعدادي لازم تعرف اساب الفشل وتتجنب الاخطاء للحصول على اعلى الدرجات 



حتى ماتكرر اخطاء وتتندم عليها الي بسببها فشلت في صف السادس الاعدادي لازم تعرف اسباب الفشل بهاي المرحله المهمه في حياتك حتى ماتنجبر اتعيد السنه , وصدك الي يجيب معدل عالي 97% - 98% - 99% ما يجيبه من فـراغ بس اكيد يتجنب كل هاي الاخطاء تعرف عليها :-

اسباب اخطاء طلبة السادس الاعدادي التي تؤدي الى الفشل والرسوب

1- إهمال التحضير اليومي لأنه يعتبر العمود الفقري والاساس حتو توصل الوزاري وانت متمكن .

2- المصدر كثرة المصادر والملازم وكل فترة مصدر يتيه عليك المعلومات وقت الامتحان .

3- الوزاريات
 كثير مهمة الاسئلة الوزارية واكثرها صارت تتكرر بالسنوات السابقة وتركها يخليك تتفاجئ بوقت امتحان الوزاري .

4- التسويف هذا المرض الخطير وكثرة تأجيل القراءة والتحضير افضل شي ترك هاي العادة التعبانة .

5- العلاقات العاطفية سبب دمار مستقبل اغلب الطلبة هو العلاقات الفاشلة الي تاخذ كل التفكير والوقت .

6- الواهس والله اني مااقرا ماعندي واهس. والله مالي خلك اقرا ومالي نفس افتح كتاب هاي العبارات تدفع ثمنها .

7- العشوائية التخطيط وتنظيم الوقت اهم شي يمك كطالب سادس حتى تبقى مرتاح وما تقلق لانك تمشي على خطة ثابتة ونظام ثابت .

8- الاستهانة ببعض المواد لا تكول فلان مادة سهلة وتهملها لأن كل المواد بالوزاري نفس الثقل وبالعكس المواد السهلة استغلها حتى تجيب درجة كاملة بيها مو تعوفها ومتقراها ع اساس امادة سهلة وتكسر معدلك .

9- التفكير بالاعادة سبب ضعف الهمة وكسر الواهس وعدم الاتزام والتراخي هو التفكير انه تعيد السادس وهيج اكيد ماراح تستفاد شي .

10 الانترنت طبعا للأسف طالب السادس بدال ما يستغل نعمة النت بشكل مفيد اله وايجابي يكعد يستغله الشياء تافهه تضيع مستقبله .

11- كــلام النـاس ونخليها بالاخير لانه اذا انت بطـل وقوي آخر شي تفكر بيه هو كلام الناس لانه كله تثبيط واحباط وسلبي.. لا تهتم وخليك واثق بنفسك .


انتهى الموضوع احبتي
تحياتي لكم
ادارة محب التدوين 
وتمنياتي لكم بالموفقيه والنجاح وبلوغ اعلى المراتب
شكرا لكم لمتابعه المنشور الى النهايه
🔸▬▬▬▬▬▬▬▬▬▬▬▬▬🔸
التعريف بالموقع : 
هذا الموقع تابع لادارة محب التدوين بشكل رسمي وكل ما ينشر في الموقع يخضع للمراقبة والموقع غير مسؤول عن التعليقات على المواضيع كل شخص مسؤول عن نفسه عند كتابة التعليق بحيث لا يتحمل الموقع اي مسؤولية قانونية حيال ذلك

اهم الاسباب في فشل ورسوف طلاب السادس العلمي والادبي تعرف عليها وتجنبها



حجم الخط
+
16
-
تباعد السطور
+
2
-