السلام عليكم
اهلا بكم متابعي موقع محب التدوين من كل مكان مرحبا واهلا وسهلا بكم نورتونا وشرفتونا بزيارتكم الموقع
نحن سعداء جدا بتواجدكم معنا هنا وموضوعنا اليوم هو
قصة خطوات نحو الحب للكاتبة مريم البغداديه بارت 1
زيارتك وتواجدك معنا مفرح لنا جدا
سنقوم دائما بنشر ماهو مفيد لك عزيزي الزائر احبــكم
عنوان القصه { خطوات نحو الحب }
القصه من الواقع العراقي
الكاتبه مريم البغداديه
لايسمح بنشر القصه بدون ذكر اسمي
حاولت اختصر القصه قدر الامكان لان اني الي كاتبتهه تقريبا 50 بارت
أنا المُضطرب الحنون، الذي تمنيتُ أن أهزّ لك سرير الطمأنينة بأنفاسي
وأنا الذي ، حين جرحتك ِ، تدفقتْ من عينيّ دموعكِ .
البارت الاول
قبل لنبدي باحداث القصه خلي اعرفكم ع الشخصيات :
أيلين من الموصل ولاكن لهجتهه لهجه بغداديه بسبب حبهه الكبير ل بغداد
العمر 18 من عائله فقيره لا اخ ولا اخت فقط اب وام طالبه وتدرس علمي عدهه حلم وهدف كلش كبير وراح تعرفونه باحداث القصه تحب العراق ومتفكر بيوم واحد انوا تفارك العراق وعدهه أيمان ب الائمه ومتتخله عنهم
مواصفاتهه :
عيونهه كبار وسود رموشهه ثخان
قصيره ووزنهه مناسب لجسمهه
شعرهه طويل وسرح
قويه رغم الانتقادات الي تجيهه ع شكله ليش لان خشمهه شويه بي مشكله بسبب الولاده
أسد
من بغداد العمر25 عازب وبالحشد باحداث داعش نظم للحشد حته يحمي بلده عنده حب كلش كبير لوطنه ومستعد يضحي بنفسه لبلده ويحمي عرضه
عنده اخت صغيره عمرهه 13
واخ عمره 20 طالب تحليلات
مواصفاته: طويل وصاحب جسم مرتب جمالوا جمالوا ع اصوله
من بغداد وحالتهم تمام اغنياء
ايلين: يوم شوكت تخلص الحرب والله تعبنه شوكت ترجع الموصل شوكت ترجع الطرق شوكت ترجع الناس شوكت ترجع المدارس شوكت يرجع العراق
يمه خلي نطلع ل بغداد بغداد أمان بغداد هيه العراق بأكملهه مستحيل احد يطخهم وتره اكو سنه ب بغداد وساكنه ب مناطق شيعيه
الام: مو بيدي يمه متشوفين الوضع متشوفين حالتنه واذا رحنه لبغداد يرادلنه فلوس واحنه منين نجيب الفلوس يادوب ناكلنه كلمه
ايلين: الله كريم زين اني خلي اروح لصديقتي شويه اكعد وياهه ع التلفون
الام: الله وياج بس انتبهي ع نفسج واذا صار رمي قوي لاتجين يمه ابقي يمهم واني أجيج
ايلين: لا ان شاء الله اليوم ماكو طاك وطيك
الام: يله روحي ولتتاخرين
ايلين: ماشي باي ....
في مكان أخر !!!
الام : يمه اسد يمه حبيبي اكعد واستر ع نفسك شعدنه غيرك يمه اكو غيرك هواي
أسد (بأبتسامة): ماما اذا ع هذا حجيج والامهات كلهه مثلج معناهه احنه ماعدنه ذره غيره وشرف ع بلدنه معناهه احنه مو زلم
الام: لا وليدي انته زلمه ع اصوله بس اخاف عليك
أسد (كعد يمهه): يمه انته ادعيلي وبس
الام : الله ومحمد وعلي وياكم ويحفظكم ويحرسكم بحق امير المؤمنين يارب
أسد: مع السلامه
الام: الله وياك وليدي ...
أسد
ربي شوف حالنه الى متى نبقه هيج الى متى نبقه نحارب
كم أم خسرت ابنهه
وكم زوجه خسرت زوجهه
وكم اخ خسر اخو وحزام ضهره
كم اخت خسرت ضلعهه
كم حبيبه خسرت حبيبهه
عود اني منو تحبني اذا النهار كلهه مكضيهه بالدوام هههه خرب يومك أسد بله وكتهه تفكر بالحب ليش احنه عدنه مجال نحب
مثل العالم والناس يلا الله كريم
ها ضلع شلونك
محمد (صديقه): يمعود اسد مو زين كلبنهه مناحه عليه
أسد: هههه مثلك خبل وداعتك امي هم بس اني احسن منك
محمد: بشلون احسن مني
أسد: ع الاقل ماعندي زوجه ماعندي طفل أما انته لا زوجه واطفال 3 الله يحفظهم
محمد: يجيك الدور ابوا الاحسن مني
اسد : تقلد حظرتك
محمد: ابداا
في مكان اخر!!!!!
لج خبله شلونج
ساره: هلا بالضلعه والله مشتاقتلج
ايلين: اني اكثر
ساره: شبيج نكلب وجهج
ايلين :تعبانه وضايجه من الوضع
ساره: يولي يومين او اكثر كلنه نطلع ل بغداد ونعيش تدرين عندي صديقه بغداد
ايلين (بلهفه): اي اي بشرفج سولفيلي ع بغداد
ساره: ههههه لج شبيج هيج تحبين بغداد
ايلين: عشك بغداد يلااا سولفي
ساره: اوك شوفي صديقتي تكول عايشين وطلعات وطبات ومولات ولا كانوا اكو شي
ايلين: وبعد
ساره: وشباب صاكين
ايلين: طيح الله حظج اني بحال الصاكين لج سولفيلي ع بغداد
ساره: دولي ابقي بهذا عقلج منو يتزوجج انتي
ايلين: ع الاساس اني ساره كاتله نفسي ع الزواج
ساره: باعي بعدين اذا متندمين اني مااطلع ساره
ايلين: ع شنو اتندم مثلا ؟اني كل تفكيري ب شهادتي ومستقبلي واسوي مستشفى بغداد
وافتح اكثر من عياده واخصص عيادة للفقراء وعيادة للايتام وعيادة (قطعت كلامهه ساره)
ساره: دكاافي كافي شكد تطيرين انتي
ايلين: خلي اشوفج من الي شكد تطير اذا مااسويتهه مااطلع اني ايلين وتشوفين
هسه كافي اسكتي وطلعينه شي خلي نشوفه
ساره: تريدين فلم لو قرأن
ايلين: ليش تستهزئين انتي؟
ساره: عبالي تريدين قرآن
ايلين: سدي حلكج وطلعينه شي رعب
ساره : متنجبين انتي رعب ورعب بابا رومانسيه وكذا شنو رعب
واحنه عايشين برعب لازم نغير شويه
ايلين: اللهم طولج ياروح زين طلعينه هندي
ساره : أمري ال الله شسوي هذا هم حضي
ايلين: شبيج بس تبجين بوجهي خبله
في مكان اخر
اسد: لك محمد اني هم ارجع من الحرب عود
محمد: كول يالله حته ترجع وتتزوج اريد اركص بعرسك
اسد (بأبتسامه) : عليك الله تركص بعرسي
محمد: والله اركص
اسد: لعد راح اتزوج ع السريع حته اركص وياك وبنفس الوقت اشوف ركصك احلى مني لو اني احلى منك
محمد: اني اركص حلو وخصوصا اذا الزم الچوبي
أسد: صدك والله
محمد: وعلي
اسد: يجوز منرجع هالمره لان راح يحطونه ع الحدود مال بغداد واخطر راح تصير روحتنه
محمد: لا ان شاء الله نرجع
اسد: ان شاء الله
في مكان اخر
ساره: ايلين شعجب متشترين تلفون تره صارن برخص المي
ايلين: مو تدرين بتفكير ابويه يمعوده
تدرين اني اذا اتزوجت واجتي بنيه شسوي
ساره بابتسامه: شتسوين اي سولفي لان انتي تفكيرج حلو
ايلين: اصير صديقه ل بنتي واخليهه تحجيلي كلشي واكون مثل اختهه ومتخاف مني
ساره: ابدعتي
ايلين: شكو جفلتيني
ساره: تفكيرج حلو كلش
ايلين: واخيرا اقتنعتي بتفكيري
ساره: اي للاسف اقتنعت
في مكان اخر !!
اسد: محمد بله زوجتي شلون راح تكون
محمد: اهم شي مو مثل زوجتي
اسد : بشنو يعني
محمد: تكوم وتكعد تكتل بالاطفال واني بزعت من هالشي
اسد: بربك تحجي صدك
محمد: اي والله ونوب تخوفهم لو بنتي الجبيره ترزلهه كدام البنات اني اضوج لان هيه جبيره وتحز بكلبهه
اسد : وانته ليش متحاجيهه
محمد: يمعود بزعت واني احاجيهه
اسد: اوف خوفتني
محمد : لا يمعود انته جربهه
اسد: اله اذا اخذهه ارمله
محمد : هههههه لا ان شاء الله تلكه الي تناسبك
اسد: ان شاء الله
ساره: ايلين ليش متشترين تلفون بدون محد يدري
ايلين:عزه بعينج واني هيج ومخلصانه نوب اجيب تلفون من وره اهلي حته ابويه يسلمني ل داعش بابا ابويه كلللش صعب
ساره: وشمدريهم يولي شوفي انتي مو تردين تحققين احلامج وعندج كومه احلام
ايلين:بلي (نعم) صح عندي احلام بس هذا مو يعني اجيب من وراهم
ساره : اوك بكيفج
ايلين:يلا اني اروح للبيت
ساره:شنو زعلتي
ايلين:لا مزعلت بس قبل ليصير شي ونوب ابويه يكلبهه عليه
ساره: تمام اوك الله وياج، خلي اطلع وياج للباب
ايلين: وك يلا
ساره: من توصلين اتصلي عليه من تلفون امج او ابوج حته اطمئن
ايلين: وك باي
في مكان اخر ! !
صار عليهم هجوم واخذوهم بس محمد واسد وياه شخص ثالث كدروا ينهزمون
اسد: محمد محتاج طلقات محتاج شاجور كامل
محمد: اني هم اريد
اسد: لااا يالحظ، ، زين حاول تشووف القاعده
محمد: ماكو
اسد: ياربي مو وكتهه والله
محمد اذا متت ديربالك ع امي
محمد: اسم الله عليك بشنو مفاول ع روحك
اسد: اذا نلزمنه معناهه لا رجعه الى البيت
محمد: تعال ننهزم
اسد: وين ننهزم خلي يصير الليل شويه
محمد: اوف لعد منسوي اي حركه لحد ما يصير الليل ونطلع
اسد: بلكي نلكانه سيطره او بيت المشكله هذا المكان مبين فارغ
محمد: عسا ولعل نلكه انتضر ربك موجود
اسد: ونعم بالله
في مكان اخر!
ايلين: ها يوم (يمه)اجيت
الام: هلا والله ضل بالي عليج
ايلين: ع شنو ضل بالج عليه لتخافين ماكو شي
الام: خالج خابر يكول تعالوا يمنه ب بغداد
ايلين (بفرحه) : يلا خلي نروح
الام: ابوج ميقبل
ايلين: اهووو لا اني اقنعه كليله ال خالي راح نجيكم
الام: ولج عيب اكعدي
ايلين : من شنو عيب بعدين همه مو خوالي
الام: نصير ثكيلين عليهم
ايلين: عود اني مااتعشه ولا اتغده بس اتريك خوما ترديني اموت من الجوع
الام: اللسانج صاير شطوله يولي صيري ثكيله
ايلين: واني ثكيله يمه
يلا حروح اقنع ابويه
وبعد المحاولت اقتنع ابوهه بانوا يروحون ل بغداد
في مكان اخر !!
اسد: يلا محمد خل نطلع
محمد: كلبي يوجعني
اسد: اسم الله ع كلبك امشي نطلع احنه اسود العراق واليوم راح نرجع مهزومين بس اكيد باجر نرجع وباقوه شي عدنه
محمد: يلا نطلع وان شاء الله خير
اسد:يلا بطل
محمد: اكلك خلي نمشي بين الاشجار
اسد خاف يطلعونه هههههههه
محمد: هههه يسويهه الحظ
اسد: خرب يومك لتضحك
محمد: انته ضحكت واني ضحكت غير ابادلك
اسد: كافي كافي لتضحك راح يجون ع ضحكتك
محمد: يلا امشينه نروح طبت ولدج بغداد
اسد: مو وكت الاغاني وكت الدعاء
محمد: هم صح اول مره تكول شي بي خير
انتهى بارت 1
للكاتبة مريم البغداديه
راح تنزل قصص على قناتها باليوتيوب ايضا
تكملة اجزاء القصة الخمسة اضغط على اي جزء تظهر الك صفحة البارت المطلوب
===============
===============
============
مهم لك عزيزي الزائر الكريم شرفتنا ونحب تواجدك معنا
قنوات ومواقع التواصل الاجتماعي الرسمية للاستاذ احمد مهدي شلال تابعنا باي مكان تريد حيث المصداقية والحقيقة في النشر اولا باول وهذه هي المواقع الرسمية اختر ما تريد
القناة الرسمية على اليوتيوب أضغط هنا
الموقع الرسمي على الانترنت أضغط هنا
الصفحة الرسمية على موقع الانستكرام أضغط هنا
القناة على التلكرام أضغط هنا
صفحة الفيس بوك الرسمية أضغط هنا
تابعنا على تويتر أضغط هنا
كروب الاستاذ احمد على الفيس بوك الرسمي التعليمي أضغط هنا
قناة الالعاب أضغط هنا
============
اذا كنت حاب تدعم الاستاذ احمد مهدي ماديا من داخل العراق وماعندك حساب باي بال او بطاقة مصرفية تكدر تدعمنا بتحويل رصيد حته لو بـ 1 الف دينار راح تسوي فضل كبير بتطوير القناة
الارقام هي
07711825892
07500127205
07824362700
دعمك النا هو سر استمرارنا شكرا لكل شخص قدم الدعم
---------------------------------
طريقة تحويل الرصيد بالاسياسيل
اتصل على *222* او اتصل على *123* المبلغ المراد تحويله * رقم الهاتف المرسل اليه الرصيد # ثم اتصال
---------------------------------
طريقة تحويل الرصيد بالعراقنا ( زين )
ارسالة رسالة الى 21112 تحتوي على الرقم المطلوب تحويل الرصيد اليه ثم فراغ المبلغ المراد تحويله ثم ارسال
---------------------------------
طريقة تحويل الرصيد بالكورك
اتصل على *215* الرقم المطلوب تحويل الرصيد اليه * المبلغ الذي ترغب بتحويله # اتصال ثم تاكيد
واذا كان عندك حساب وتريد تدعمنا هذا رابط الدعم على البايبال أضغط هنا
--------------------------------
======================
تحياتي لكم
ادارة محب التدوين
وتمنياتي لكم بالموفقيه والنجاح وبلوغ اعلى المراتب
وتمنياتي لكم بالموفقيه والنجاح وبلوغ اعلى المراتب
شكرا لكم لمتابعه المنشور الى النهايه
🔸▬▬▬▬▬▬▬▬▬▬▬▬▬🔸
التعريف بالموقع :
هذا الموقع تابع لادارة محب التدوين بشكل رسمي وكل ما ينشر في الموقع يخضع للمراقبة والموقع غير مسؤول عن التعليقات على المواضيع كل شخص مسؤول عن نفسه عند كتابة التعليق بحيث لا يتحمل الموقع اي مسؤولية قانونية حيال ذلك
