القائمة الرئيسية

الصفحات

اخر المواضيع

قصة خطوات نحو الحب للكاتبة مريم البغداديه بارت 3




السلام عليكم 
اهلا بكم متابعي موقع محب التدوين من كل مكان مرحبا واهلا وسهلا بكم نورتونا وشرفتونا بزيارتكم الموقع 
نحن سعداء جدا بتواجدكم معنا هنا وموضوعنا اليوم هو 

قصة خطوات نحو الحب للكاتبة مريم البغداديه بارت 3







لا تنسى دائما زيارة الموقع للاستفادة من المواضيع الجديدة 

زيارتك وتواجدك معنا مفرح لنا جدا 
سنقوم دائما بنشر ماهو مفيد لك عزيزي الزائر احبــكم



عنوان القصه { خطوات نحو الحب }

القصه من الواقع العراقي 

الكاتبه  مريم البغداديه 

لايسمح بنشر القصه بدون ذكر اسمي 

حاولت اختصر القصه قدر الامكان لان اني الي كاتبتهه تقريبا 50 بارت 


أنا المُضطرب الحنون، الذي تمنيتُ أن أهزّ لك سرير الطمأنينة بأنفاسي 
‏وأنا الذي ، حين جرحتك ِ، تدفقتْ من عينيّ دموعكِ .


البارت الثالث


ايلين
اسد اعترفلي بحبه بس معقوله جذاب او معقوله يحجي صدك
يعني معقوله معقوله هوه يحبني وك بس اذا يحبني راح اعرف حبه عن طريق هذا الاختبار او يمكن يكون اختبار فاشل
ابتعدت عن التلفون لمده سبوع كامل وابدا مفتحته بس جان عندي فضول قاتل بانوا شصار بالبرنامج منو دزلي منو مدزلي زين اسد دزلي لو لا بعدين فتحته بليل ب 3 الفجر تقريبا و اول رسائل اجتي عيني عليهه مال اسد فتحت دازلي كومه ويوميه داز ف جاوبته وكلتله ادرس
كال : شمعنه بهذا الاسبوع تدرسين شمعنا مدرستي بذاك الاسبوع
ايلين: شنو تشك بيه حظرتك
اسد : لا مو اشك او شي بس من كلتلج احبج انتي اختفيتي
ايلين: ي صح لان ماريد حب 
اسد: ممكن اعرف ليش
ايلين: بدون سبب ماريد احب
اسد: مو بكيفج اوك كولي يلا
ايلين : تره مو اجباري الحب اوك يلا باي


ماانكر نقهرت وكلت اكيد نقهر بس احسن حته اذا صدك يحبني مانطي أمل بيه
بقه يدز بس مفتحت الرسائل وبلكوه نمت




اسد
قهرتني الحقيره لو واحد حقير وجذاب واريد اضحك عليهه جان بقت ويايه بس لان حبيتهه من صدك اختفت نوب فتحت ب 3 وجاوبتني بالنهايه بااي انتهت ب بااي نقهرت كلش وطلعت بس مظهر كدام العالم
بس معقوله اكو شي يعني معقوله البنيه متريد تحبني يجوز عدهه حبيب يجوز تطلع متزوجه
بقيت بس افكر بيهه وحته منمت صارت ب 7 الصبح وامي اجتي كالت اخوك يريد يخطب كوم حاجي وكله مو وكتهه الوضع مخربط
كتلهه مابيه حيل عوفيني اريد انام انتي حاجي واذا مصر خلي يخطب ويفضهه
وفعلا اخويه بقه مصر ع الخطوبه
وراد يخطب بهذا الاسبوع ف عزمت محمد وعائلته كلهم شلع قلع وسالفه ايلين نسيتهه بعد وحته مفتحت التلفون بعد بقيت ملتهي بنفسي والترتيبات
صار وكت الخطوبه واجه محمد وكشخنه واصدقائنه وطلعنه وطبينه وونسه فول
ف ترخصت من الشباب وصعدت لغرفتي وشفت بنيه بغرفتي كتلهه شدتسوين نصدمت وارتبكت




في مكان اخر


ايلين بعد الي صار الفجر ف اسد ميفتح الواتباد ولا اشوفه بالكروبات ولا يعلق ع قصصي ف كلت اكيد زعلان ف بعدين صديق محمد عزمنه ع الخطوبه مال اخو صديقه وابويه مقبل بس محمد اصر عليه بعدين واافق
ف لبست فستان اسود طويل ومخصر
مكياج محطيت بس حمره ومسكاره وحواجبي مقاصرات هههه ورتبت اضافيري ورسمتهن لبسي صار احمر وااسود اكثر الالوان المفضله عندي وطلعت حلوه شعري برمته وشمرت الشال شمر


ورحنه للحفله جانت كلش حلوه بس تضايقت من البنات كل شويه وحده تسأل مرتاحينه بعدين كالت بنت عمهم هاي رموش اصطناعيه
ايلين: لا هاي رموشي
البنيه: حلوات عبالي حاطه رموش
ايلين : ابتسمت لا اكثر


بيبيه اسد: يمه انتي حاطه باروكه
ايلين: لا بيبي مو باروكه هذا شعري
الجده (بيبيه): ماشاء الله تبارك الرحمن
ايلين: مروه اريد اروح للحمام
الجده: اصعدي فوك ثاني غرفه بيهه حمام فوتي بيهه
ايلين: شكرا بيبي
صعدت فوك كلش ارتبكت نوب البيت يخوف كله تماثيل حسيت نفسي بفلم رعب دخلت للحمام غسلت وجهي وطلعت وفجاه اجه شخص


اسد: شدتسوين
ايلين: مدااسوي شي
اسد: لعد شعندج هنا بغرفتي
ايلين: ماريد شي ولا عندي شي بس
اسد: بس شنوو كملي
ايلين: بارتباك استخدمت الحمام وبس
اسد: عفتي الغرف كلهه واجيتي بغرفتي
ايلين: مادري هاي غرفتك بس الخاله كلتلي اصعدي هنا واجيت
اسد: ياخاله
ايلين: قصدي البيبي
اسد: شنو اسمج انتي ومن وين اول مره اشوفج
ايلين: ايلين ايلين اني بنت عم محمد صديق صاحب الحفله
اسد من سمعت اسمهه ايلين ف تذكرت ايلين
اسد: هاا اني اسف اعتذر
ايلين: لا اني الي اسفه




طلعت البنيه وتذكرت ايلين رحت فتحت التلفون لكيتهه دازتلي اسفه ومجنت اقصد شي بس عندي ظروف واني ماكدر ارتبط بعلاقه وهميه
دزيتلهه بس اني مكلت علاقه وهميه اني كلت احبج اذا تحبيني كولي واذا متحبيني هم كولي وراح اسحب نفسي ونكون فقط اصدقاء .. انتضرتهه تجاوبني بس مجاوبت
ف عفت التلفون ونزلت جوه لكيت هاي البنيه صافنه مدري وين
حم حم بيبي اني طالع محتاجه شي
بيبيتي: اي عندي شغل وياك
اسد: شغلج اعرفه شنو لهذا السبب مو وكته وك انتي وامي بطلن سوالفجن
باي
البيبيه: والله تفيدك
اسد: عوفيهه الج
البيبي: فلك طرك وللي وحسابك بعدين
اسد: بيباااي


طلعت واني عيني ع هايه شهل الجمال رغم انوا لا مكياج ولا شي
ها اسد ها انته وين تفكر وين عينك راحت
انته تحب ايلين الي بالتلفون مو ايلين الي بيتك


ايلين
طلعت واني مرتبكه خرب يومه وكتك تجي وحسيت بانوا عينه عليه ويباوع ف مرتاحيت وحته من طلعت رفع التلفون ويباوع بي علساس ديرتب نفسه وراح


رجعت من الحفله تعبانه كلش نوب بس يسئلن لان اول مره ادخل لبيتهم
مروه: لج ايلين فلك طرج شلون هيجي سحبتي العيون عليج
ايلين: نجبي حبيبتي اريد انطمر
مروه: باي
ايلين: الناس تكول تصبحين ع خير من باي
مروه: وانتي بخير بايات 
ايلين: هاهاها


رحت سبحت وبدلت ونمت بعدين تذكرت التلفون وفتحته لكيت رساله من اسد ف جاوبته كتله اسفه جنت طالعه ومفتحت التلفون
وره تقريبا نص ساعه وهاي اول مره هيج يتاخر




وهاي اول مره هيج يتاخر
اسد: اني هم جانت عندي طلعه ف مجاوبت
ايلين: ي
اسد: وهسه شنو
ايلين: شنوو
اسد : ليش متحبيني
ايلين: مو كلتلك ظروف
اسد : ميصير تكليلي ع هاي الظروف شنو
ايلين: شوف اني اهلي ميقبلون هاي السوالف وهم اني ماريد
اسد: عوفي سالفه الاهل لان محلوله بس ليش انتي متريدين يعني انتي مرتبطه لو شنو
ايلين: ممرتبطه
اسد: لعد
ايلين: ماريد اكسر كلبي وماريد انقهر
اسد : ليش حته تنقهرين اذا انتي راح ترتبطين برجال يريد بالنهايه زواج مو بلوك وباي 
ايلين: مادري افكر
اسد: اوك ع راحتج
ايلين : وك
اسد: شعجب كاعده
ايلين: جنت بحفله ورجعت ودااحجي وياك
اسد : اني هم جنت بحفله
ايلين: اهاااااااا بشرني كم رقم جبت
اسد: ولا واحد والله
ايلين: كول غيرهه
اسد: خاف انتي الي جبتي ارقام مو
ايلين: لا والله عزه حته انذبح
اسد: اشاقه خبله
خوما تزعلين من كلمه خبله
ايلين: اي وعليهه فصل هم
اسد: لا بشرفج فصلل
ايلين: لعد شعبالك كله بالفصول اشتغل
اسد: امممم
ايلين: ايييي
اسد: تريدين تشوفيني
ايلين: وين
اسد: هنا لو تردين نطلع
ايلين: لا عزه شنطلع ههههه
اسد: اشاقه راح ادزلج صورتي حته مو بعدين تكولين مدزيت ومدزيت
ايلين: لتعيرني بيهه عود
اسد: تره اني حلو ف طبعا ابقه امدح بنفسي كدامج
ايلين: مو بحالاتي اكيد هاهاها
اسد : هههههه خبله والله راح ادزهه
ايلين: اجكم اكيد
اسد: هسه توصلج وانتي احكمي
ايلين: اوك اوك
ونطفت الكهرباء ههههههه راحت الصوره عليك يااسد


ايلين نطفت الكهرباء وبقيت بحسره اشوفه صار عندي فضول قاتل بانوا اشوفه 
ف طلعت من البرنامج ونمت كعدت الصبح لكيته داز الصوره بس ماكو وجهه فقط جسمه
ايلين: وين وجهك شسوي بنص صوره 
اسد: لا حته متنصدمين من تشوفين وجهي
ايلين: لعد اكيد اجكم
اسد: هههههه وربي مو اجكم اني هسه راح اروح ومن ارجع ادزلج وجهي وشوفيني واحكمي
ايلين: وك
اسد: يلا باي
ايلين: بايات مال درج
اسد: تحششين
ايلين: وانكت هم
اسد: دروحي عاد راح تأخريني عن دوامي وانفصل من وراج
ايلين: اي اريد اكلك سالفه هسه
اسد: جذابه ماعندج شي خبيثه بس تردين تاخريني
ايلين: ههههه بكيفك
اسد: دولي يلا
ايلين: يعني مااكلك ع السالفه
اسد: دزيهه ومن افتح اشوفهه بااااأاااي
ايلين: بايات 


اسد
واخيرا رجعت القزمه وياايه بس خبيثه
حجينه وسولفنه وكتلهه ادزلج صورتي عبالي راح تدز صورتهه بس مدزت
المهم غلست ع الصوره كلت بين متصير علاقتنه قويه وراهه اطلب منهه اشوفهه شكولهه الصراحه اني ميهني الجمال الي يهمني تكون وحده متفهمه وتحبني ومتضل نكديه
وتكون ام واخت وصديقه وحبيبه وزوجه
وكلشي بالوقت الي احتاج صديق تكون هيه يمي وهاكذا واهم شي تفهمني
رحت لدوامي وبقيت تقريبا 10 ايام بس تكسرت تكسر بهاي العشره ايام وتعبت كلش وحاره يعني ردت اموت بس كدرت اقاوم ورجعت لبيتي
كبل سبحت ونمت بعدين شفت منام بهاي البنيه الي بالخطوبه مال اخويه دخلت لغرفتي هاي شجابهه ع بالي هسه كعدت واني مطفي من النعاس نزلت جوه وسمعت صوت عياط من بره طلعت واني مطفي من النعاس ف عرفت الصوت من بيت محمد رحت دكيت الباب محد فتحه بقيت ادك وادك لان الصوت يزيد مينقص طلعلي محمد
اسد: شكو شبيكم
محمد: بنت عمي احتركت ايدهه
اسد: ودوهه للمستشفى
محمد : اي هسه
اسد: اوديكم اني
محمد : تسلم متقصر روح ارتاح انته تعبان
اسد: راح اجيب السويج واجي اني اوديكم


رحنه اني ومحمد وامهه والبنيه اسمهه ايلين مانسه اسمهه لان نفس اسم حبيبتي 
للمستشفى البنيه تعبت من الوجع وسلمت نفسهه للنوم وصلنه للمستشفى وتعال وروح لحد ما كدرنه نطلعهه طلعناهه وهيه نايمه وفجاه فتحت عيونهه وانتبهت عليه اباوعلهه
اني ارتبكت خاف تاخذه بغير قصد واني مو بقصدي شي بس من اشوف شخص يتوجع اني اتوجع قبله واحس بمعاناته
هيه نزلت عينهه بعدين باوعت ع الشارع وبقت صافنه لحد ما رجعنه للبيت 


في مكان اخر


ايلين بعد ما راح اسد لدوامه واني جنت متعوده عليه جنت متعوده ع رسائله وبس افتح الكه منه رسائل ف دااكلي دجاج بالزيت واخذتني الصفنه ل اسد بقيت افكر بي وبعدها البزونه طفرت ع الطباخ من الخوف ضربت ايدي بالطاوه ووكع عليه الزيت وهوه حار ايدي احتركت وراحت فقدت انتهيت ع الي صار وضليت بس اصرخ من وجعي 


اجه صديق محمد وودانه ع المستشفى واني متت من وجعي ايدي كلهه حتركت
بالسياره حسيت بشفقه ويباوع ارتبكت نزلت راسي وبعدين باوعت ع الشارع
اذا اسد دره بيه شراح تكون رده فعله شنو راح يسووي بقت سالفه توديني وسالفه تجيبني لحد ما وصلنه للبيت


انتهى بارت 3


للكاتبة مريم البغداديه



راح تنزل قصص على قناتها باليوتيوب ايضا 



تكملة اجزاء القصة الخمسة اضغط على اي جزء تظهر الك صفحة البارت المطلوب








============

 مهم لك عزيزي الزائر الكريم شرفتنا ونحب تواجدك معنا 

 قنوات ومواقع التواصل الاجتماعي الرسمية للاستاذ احمد مهدي شلال تابعنا باي مكان تريد حيث المصداقية والحقيقة في النشر اولا باول  وهذه هي المواقع الرسمية اختر ما تريد 

القناة الرسمية على اليوتيوب أضغط هنا 

الموقع الرسمي على الانترنت أضغط هنا 

الصفحة الرسمية على موقع الانستكرام أضغط هنا 

القناة على التلكرام أضغط هنا 

صفحة الفيس بوك الرسمية أضغط هنا 

تابعنا على تويتر أضغط هنا 

كروب الاستاذ احمد على الفيس بوك الرسمي التعليمي أضغط هنا 

قناة الالعاب أضغط هنا 


============

 اذا كنت حاب تدعم الاستاذ احمد مهدي ماديا من داخل العراق وماعندك حساب باي بال او بطاقة مصرفية تكدر تدعمنا بتحويل رصيد حته لو بـ 1 الف دينار راح تسوي فضل كبير بتطوير القناة 
الارقام هي 
07711825892
07500127205
07824362700

  دعمك النا هو سر استمرارنا شكرا لكل شخص قدم الدعم  

---------------------------------
طريقة تحويل الرصيد بالاسياسيل
اتصل على *222* او اتصل على *123* المبلغ المراد تحويله * رقم الهاتف المرسل اليه الرصيد # ثم اتصال
---------------------------------

طريقة تحويل الرصيد بالعراقنا ( زين )
ارسالة رسالة الى 21112 تحتوي على الرقم المطلوب تحويل الرصيد اليه ثم فراغ المبلغ المراد تحويله ثم ارسال
---------------------------------

طريقة تحويل الرصيد بالكورك
اتصل على *215* الرقم المطلوب تحويل الرصيد اليه * المبلغ الذي ترغب بتحويله # اتصال ثم تاكيد

واذا كان عندك حساب وتريد تدعمنا هذا رابط الدعم على البايبال أضغط هنا 
 --------------------------------

======================


تحياتي لكم
ادارة محب التدوين 
وتمنياتي لكم بالموفقيه والنجاح وبلوغ اعلى المراتب
شكرا لكم لمتابعه المنشور الى النهايه
🔸▬▬▬▬▬▬▬▬▬▬▬▬▬🔸
التعريف بالموقع : 
هذا الموقع تابع لادارة محب التدوين بشكل رسمي وكل ما ينشر في الموقع يخضع للمراقبة والموقع غير مسؤول عن التعليقات على المواضيع كل شخص مسؤول عن نفسه عند كتابة التعليق بحيث لا يتحمل الموقع اي مسؤولية قانونية حيال ذلك
reaction:
الاستاذ احمد مهدي
الاستاذ احمد مهدي
الاستاذ احمد مهدي كاتب مقالات ، احب التدوين ، واحاول بكل جهد ان اقدم لكل الطلاب ما هو مفيد لهم واتمنى لكم دوام النجاح والتوفيق محبكم الدائمي ( احمد مهدي شلال ) مقالات منوعه - اخبار تربويه ومنوعه - دروس رياضيات - العاب وترفيه

تعليقات